හිටපු ආරක්ෂක ලේකම් හේමසිරි සහ පොලිස්පති පූජිත් යළි රිමාන්ඩ්..
රක්ෂිත බන්ධනාගාර ගත කර සිටින හිටපු ආරක්ෂක ලේකම් හේමසිරි ප්‍රනාන්දු සහ පොලිස්පති පූජිත් ජයසුන්දර යන මහත්වරුන් ලබන 22 වැනිදා තෙක් යළි රක්ෂිත බන්ධනාගාරගත කරන්නැයි අධිකරණය විසින් අද (06) නියෝග කර ඇත. පාස්කු ප්‍රහාරය වළක්වා නොගැනීම සම්බන්ධයෙන් චෝදනා කරමින් හිටපු ආරක්ෂක ලේකම් හේමසිරි ප්‍රනාන්දු සහ පොලිස්පති පූජිත් ජයසුන්දර යන මහත්වරුන් අත්අඩංගුවට ගෙන රක්ෂිත බන්ධනාගාරගත කරන ලද අතර එම පැමිණිල්ල අද (06) විභාගයට ගනිමින් කොළඹ මහේස්ත්‍රාත් අධිකරණය විසින් ඉහත නියෝගය ලබාදී ඇත.
