තෙල් සංස්ථාවෙන් සපයන ඉන්ධන සීමාව වැඩිකරගැනීමට විදුලි බල මණ්ඩලයෙන් ඉල්ලීමක්..
ලංකා ඛනිජ තෙල් නීතිගත සංස්ථාවෙන් තමන් වෙත ලබාදෙන ඉන්ධන සීමාව රුපියල් බිලියන 90 ක් දක්වා වැඩිකිරිම සඳහා ලංකා විදුලිබල මණ්ඩලයේ නිලධාරීන්ගෙන් විදුලි බල අමාත්‍යවරයාට ඉල්ලීමක් ඉදිරිපත්ව ඇති බව වාර්තා වේ. මේ වනවිට ඛනිජ තෙල් නීතිගත සංස්ථාව, විදුලිබල මණ්ඩලයට රුපියල් බිලියන 80 ක සීමාවකට යටත්ව ඉන්ධන සපයන නමුත් එම සීමාව ඉක්මවමින් රුපියල් බිලියන 84 ක් දක්වා ඉන්ධන සපයා ඇතැයි වාර්තා වෙයි. ලංකා ඛනිජ තෙල් නීතිගත සංස්ථාව, විදුලි බල මණ්ඩලය වෙත ඉන්ධන සපයන්නේ අමාත්‍ය මණ්ඩලයේ අනුමැතියකිනි. ඒ අනුව එම සීමාව ඉහළ දැමීම සඳහා අමාත්‍ය මණ්ඩල අනුමැතියක් ලබාගැනීමට කටයුතු කරන්නැයි විදුලිබල නිලධාරින්, විදුලි බල අමාත්‍යවරයාට මෙම ඉල්ලීම ඉදිරිපත් කර ඇත.
