ජනාධිපති නීතිඥ විනිසුරු යසන්ත කෝදාගොඩ ශ්‍රේෂ්ඨාධිකරණ විනිසුරුවරයෙකු ලෙස පත්කිරීමට ජනපතිගෙන් නිර්දේශ..
ජනාධිපති නීතිඥ විනිසුරු යසන්ත කෝදාගොඩ මහතා ශ්‍රේෂ්ඨාධිකරණ විනිසුරුවරයෙකු ලෙස පත්කිරීමට අදාළ ජනාධිපතිවරයාගේ නිර්දේශය ආණ්ඩුක්‍රම ව්‍යවස්ථා සභාවට යොමුකර ඇති බව වාර්තා වේ. මේ වනවිට අභියාචනාධිකරණ සභාපති විනිසුරු කටයුතු කරන ජනාධිපති නීතිඥ යසන්ත කෝදාගොඩ මහතා 2019 වසරේ මාර්තු මස 28 වන දින එම තනතුරට පත්විය. පසුගිය දෙසැම්බර් මස ශ්‍රේෂ්ඨාධිකරණ විනිසුරු ජනාධිපති නීතීඥ ප්‍රසන්න ජයවර්ධන මහතා අභාවප්‍රාප්ත වීමෙන් පසු එම ධුරය පුරප්පාඩුවූ අතර ඒ අනුව ජනාධිපති නීතිඥ යසන්ත කෝදාගොඩ මහතා අදාළ ධූරය සඳහා ජනාධිපතිවරයා විසින් නිර්දේශ කර ඇත.
