හිටපු අමාත්ය රාජිත සේනාරත්න මහතා කොළඹ මහාධිකරණයට පැමිණෙයි..
හිටපු අමාත්ය රාජිත සේනාරත්න මහතා මීට සුළු වේලාවකට පෙර කොළඹ මහාධිකරණය වෙත පැමිණ ඇති බව වාර්තා වේ. ඒ, හිටපු අමාත්ය රාජිත සේනාරත්න මහතාට කොළඹ ප්රධාන මහේස්ත්රාත් අධිකරණය විසින් ඇප ලබාදීම අභියෝගයට ලක්කරමින් නීතිපතිවරයා විසින් ගොනුකරන ලද ප්රතිශෝධන පෙත්සමට සලකා බැලීමේ අවස්ථාවට පෙනීසිටීම සඳහායි. රක්ෂිත බන්ධනාගාර ගත කර සිටි ඒ මහතා ඇපමත මුදාහරින්නැයි කොළඹ ප්රධාන මහේස්ත්රාත් අධිකරණය පසුගිය දෙසැම්බර් 30 වනදා නිකුත් කරන ලද නියෝගය දෝෂ සහිත බව සඳහන් කරමින් නීතිපතිවරයා විසින් ඉහත පෙත්සම ගොනුකර ඇත. අදාළ නියෝගය සංශෝධනය කර සේනාරත්න මහතා යළි රක්ෂිත බන්ධනාගාර ගත කරන්නැයි නීතිපතිවරයා මෙම ප්රතිශෝධන පෙත්සම මඟින් අධිකරණයෙන් ඉල්ලා ඇත. සුදුවෑන් මඟින් පුද්ගලයින් පැහැරගැනීම සම්බන්ධයෙන් මාධ්ය හමුවක් පවත්වා මාධ්ය වෙත අදහස් පළකිරීමේ සිද්ධියක් සම්බන්ධයෙන් අද (17) අධිකරණයේ පෙනී සිටින්නැයි දන්වමින් හිටපු අමාත්ය රාජිත සේනාරත්න මහතාට කොළඹ මහාධිකරණය විසින් පසුගිය 13 වැනිදා නොතීසි නිකුත් කරන ලදී.