නායකත්වයේ තීන්දුවට එජාපය හෙටත් රැස්වේ…
දැඩි කතාබහට ලක්ව තිබෙන එක්සත් ජාතික පක්ෂයේ නායකත්වය සම්බන්ධයෙන් විශේෂ සාකච්ඡාවක් හෙට (20) දිනයේදී පැවැත්වීමට තීරණය කර ඇත. ඒ සදහා පක්ෂ නායක රනිල් වික්රමසිංහ, කතානායක කරූ ජයසූරිය, විපක්ෂනායක සජිත් ප්රේමදාස යන මහත්වරුන් හෙට පෙරවරුවේ කොළඹ දී මෙම සාකච්ඡාව පැවැත්වීමට තීරණය කර ඇති බව පාර්ලිමේන්තු මන්ත්රි විජේපාල හෙට්ටිආරච්චි මහතා සදහන් කරයි.
පසුගිය 09 දා පැවති එක්සත් ජාතික පක්ෂ පාර්ලිමේන්තු මන්ත්රි කණ්ඩායම් රැස්වීම විසඳුමකින් තොරව අවසන් වු බැවින් අවසන් තීරණයකට එළෙඹීම සදහා මෙම සාකච්ඡාව යොදා ගෙන ඇති බවත් පක්ෂය දෙකඩ නොකර කඩිනම් විශදුමක් ලබා ඉදිරි මැතිවරණයට ශක්තිමත්ව අවතීරණය වීමට කටයුතු කරන බව ඒ මහතා වැඩිදුරටත් අවධාරණය කරයි.