අමාත්‍ය ගරු නිමල් සිරිපාල, එක්සත් ජාතීන්ගේ මානව හිමිකම් කොමිසමේ නිලධාරීන් හමුවේ…
ජිනීවා නුවර එක්සත් ජාතීන්ගේ මානව හිමිකම් කොමසාරිස් කාර්යාලයේ Mona Rishmawi මහත්මිය සහ Rory Mungoven,Francesca Marotta, Raghu Menon යන පිරිස පසුගිය දින අධිකරණ, මානව හිමිකම් සහ නීති ප්‍රතිසංස්කරණ අමාත්‍ය ගරු නිමල් සිරිපාල ද සිල්වා මහතා හමුවී ඇත. එහිදී නීතීයේ ආධිපත්‍ය ශ්‍රි ලංකා අධිකරණ පද්ධතිය තුළ ක්‍රියාත්මක වන ආකාරය පිළිබඳ සාකච්ඡා කර ඇති අතර එක්සත් ජාතීන්ගේ මානව හිමිකම් කොමසාරිස් කාර්යාලය මෙකී අවශ්‍යතාවය සඳහා නීති සම්පාදනයේ දී අවශ්‍ය තාක්ෂණික සහයෝගය ලබා දීමට එකඟතාවය පළ කර ඇත. එක්සත් ජාතීන්ගේ මානව හිමිකම් පිළිබඳ මහකොමසාරිස් කාර්යාලය ඇතුළු වෙනත් ආයතන තුළින් ලබා දෙන සහය සතුටින් පිළිගන්නා බවත්, නීතියේ ආධිපත්‍ය සුරකිමින් ප්‍රමාධයකින් තොරව ජනතාවගේ නීති ප්‍රශ්න විසඳාලීම සඳහා අවශ්‍ය ක්‍රියාමාර්ග ගැනීම සඳහා තම අමාත්‍යංශයේ අරමුණ බව ද පැහැදිලි කළේ ය.
මෙම සාකච්ඡාව සඳහා අමාත්‍යංශ ලේකම් ජේ.ජේ.රත්නසිරි මහතා, අතිරේක ලේකම් නීතීඥ පියුමන්ති පීරිස් මහත්මිය, නීති උපදේශිකා දිල්හාරා අමරසිංහ මහත්මිය ද සහභාගි වන ලදි.
