ඩොනල්ඞ් ට්රම්ප් දෝෂාභියෝගය ජයගනියි..
චෝදනා දෙකක් යටතේ තමන්ට එරෙහිව ඉදිරිපත් කරන ලද දෝෂාභියෝගයෙන් ජයගැනීමට ඇමෙරිකානු ජනාධිපති ඩොනල්ඞ් ට්රම්ප්ට හැකිවී ඇති බව එරට මාධ්ය වාර්තා කර සිටියි. බලය අයුතු ලෙස භාවිත කිරීම හා කොංග්රසයට බාධා කිරීම යන චෝදනා යටතේ ඉදිරිපත් කරන ලද දෝෂාභියෝගය සම්බන්ධයෙන් අවස්ථා දෙකකදී ඡන්ද විමසීම් පැවති අතර බලය අයුතු ලෙස භාවිතා කිරීමේ චෝදනාව ඡන්ද 52 ට 48 ක් ලෙසත් කොංග්රසයට බාධා කිරීමේ චෝදනාව ඡන්ද 53 ට 47 ක් ලෙසත් ජයගැනීමට ඩොනල්ඞ් ට්රම්ප් ජනාධිපතිවරයාට හැකිවී ඇත. ඒ අනුව මෙම වසරේ නොවැම්බර් මසදී පැවැත්වීමට නියමිතව ඇති එරට ජනාධිපතිවරණයට ඉදිරිපත්වීමට ද ඩොනල්ඞ් ට්රම්ප් මහතාට අවස්ථාව හිමිව තිබේ.