ව්‍යාජ වෛද්‍යවරුන්ට එරෙහිව නව නීති සම්පාදනය කරන්න, රජයේ වෛද්‍ය නිලධාරීන්ගේ සංගමයෙන් ඉල්ලීමක්..
මෙරට සමාජය තුළ සිටින ව්‍යාජ වෛද්‍යවරුන්ට එරෙහිව නීතිය නිසි පරිදි ක්‍රියාත්මක කිරීමට පවතින නීති රාමුව ශක්තිමත් කරමින් නව නීති සම්පාදනය කරන්නැයි බලධාරීන්ගෙන් ඉල්ලා සිටින බව රජයේ වෛද්‍ය නිලධාරීන්ගේ සංගමය අවධාරණය කර සිටියි. එම සංගමයේ ලේකම් වෛද්‍ය හරිත අලුත්ගේ මහතා සඳහන් කරන්නේ රටපුරා සිටින ව්‍යාජ වෛද්‍යවරුන් 40,000 ක් පමණ සිටින බවයි. එම පිරිස රෝගීන්ට ප්‍රතිකාර කරන බව ද වෛද්‍ය හරිත අලුත්ගේ මහතා වැඩිදුරටත් අනාවරණය කර සිටියි.
