බස්නාහිර පළාතේ කළ විශේෂ වැටලීමකදී විවිධ මත්ද්රව්ය සන්තකයේ තබාගෙන සිටි 343 ක් පොලිස් දැලේ..
බස්නාහිර පළාතේ සිදුකරන ලද විශේෂ වැටලීමකදී විවිධ මත්ද්රව් සහ මත්පැන් සන්තකයේ තබාගෙන සිටි පුද්ගලයින් 343 දෙනෙකු අත්අඩංගුවට ගැනීමට හැකිවී ඇතැයි පොලිස් ආරංචි මාර්ග පවසා සිටියි. ඒ අනුව ඊයේ (24) පෙරවරු 06.00 සිට අද (25) පෙරවරු 05.00 දක්වා වන පැය 24 ක කාලය තුළ ක්රියාත්මක කරන ලද මෙම විශේෂ වැටලීමේදී හෙරොයින් සන්තකයේ තබාගෙන සිටි 109 ක්, නීති විරෝධි මත්පැන් සන්තකයේ තබාගෙන සිටි 135 ක්, ගංජා සන්තකයේ තබාගෙන සිටි 41 ක්, අයිස් මත්පෙති ඇතුළු විවිධ මත්ද්රව්ය සන්තකයේ තබාගෙන සිටි 31 ක් සහ ගෝඩා සන්තකයේ තබාගෙන සිටි 27 ක් වශයෙන් මෙම පුද්ගලයින් 343 දෙනා අත්අඩංගුවට ගෙන ඇත.