ත්‍රිපිටකය ජාතික උරුමයක් ලෙස නම් කිරීමේ ජාතික උත්සවය අද මාතලේ අළුවිහාරයේදී..
ත්‍රිපිටකය ජාතික උරුමයක් වශයෙන් නම් කිරීමේ ජාතික උත්සවය අද (05) මාතලේ අළුවිහාරයේදී පැවැත්වීමට නියමිතව ඇත. ජනාධිපති මෛත්‍රිපාල සිරිසේන මහතා මෙම උත්සවයේ ප්‍රධාන ආරාධිතයා ලෙස සහභාගි වීමට නියමිතව ඇත. නිර්මල බුදුදහම නිවැරදිව ආරක්ෂා කිරීම සහ අනාගත පරපුරට උරුමකර දීමේ අරමුණින් ත්‍රිපිටකය ජාතික උරුමයක් වශයෙන් නම් කිරීමේ බුද්ධ ශාසන අමාත්‍යංශය විසින් තීරණය කරන ලදී. ඒ අනුව අද දිනය තුළදී රාජ්‍ය ආයතන, බෞද්ධ විහාරස්ථාන සහ නිවෙස් වල බෞද්ධ කොඩිය ප්‍රදර්ශනය කරන්නැයි රජය විසින් ඉල්ලීමක්ද කර ඇත.
