ජා ඇළ, සීදුව, කටුනායක අවට ප්‍රදේශ රැසකට අද පැය 18 ක ජල කප්පාදුවක්..
ජා ඇළ අවට ප්‍රදේශ කිහිපයක් සඳහා අද (26) දිනයේදී පැය 1800 ක කාලයක් ජල සැපයුම අත්හිටුවීමට සිදුවන බව ජාතික ජල සම්පාදන හා ජලාපවහන මණ්ඩලය අනාවරණය කර සිටියි. ඒ අනුව ජා ඇළ සහ කටුනායක, සීදුව, ඒකල, කඳාන, ආනියාකන්ද, බටගම, තුඩැල්ල, නිවන්දම, මාඑළිය, කෙරවලපිටිය, මාටාගොඩ, වැලිසර, මාබෝල, ඇලපිටිවල, මහබාගේ, දික්ඕවිට, උස්වැටකෙයියාව, පමුණුගම සහ බෝපිටිය යන ප්‍රදේශවලට අද උදෑසන 09.00 සිට හෙට (27) අළුයම 03.00 දක්වා ජල සැපයුම අත්හිටුවනු ඇත. එම ප්‍රදේශ ආශ්‍රිත අත්‍යවශ්‍ය නඩත්තු කටයුත්තක් හේතුවෙන් මෙසේ ජල සැපයුම අත්හිටුවන බව ද එම ආරංචි මාර්ග වැඩිදුරටත් පවසා සිටියි.
