පවතින තත්ත්වය යටතේ පාඩු ලබන නිසා බස් ධාවනය 50% කින් අඩුකරනවා – ලංකා පෞද්ගලික බස් රථ හිමියන්ගේ සංගමය
ලබන අඟහරුවාදා සිට ක්‍රියාත්මක වන පරිදි ධාවන කටයුතු සඳහා පෞද්ගලික බස් රථ යෙදවීම 50% කින් අඩු කිරිමට කටයුතු කරන බව ලංකා පෞද්ගලික බස් රථ හිමියන්ගේ සංගමය අවධාරණය කර සිටියි. පවතින වාතාවරණය යටතේ බස් කර්මාන්තය පාඩු ලබන තත්ත්වයකයට පත්ව ඇති බැවින් මෙම තීරණයට එළඹි බව ද එම සංගමය වැඩිදුරටත් අනාවරණය කර සිටියි. පවතින තත්ත්වය යටතේ බස් ගාස්තු ඉහළ දැමීමට අවසරයක් නොමැතිවීම සහ ජනතාව පොදු ප්‍රවාහන සේවා යොදා ගැනීමට මැලිකමක් දැක්වීම වැනි කරුණු හේතුවෙන් පාඩු ලබන තත්ත්වයක් උද්ගතව ඇති බැවින් මෙම තීරණයට එළඹි බව ද එම සංගමය තවදුරටත් පවසා සිටියි.
