ගෑස් මිල සම්බන්ධයෙන් ගැසට් නිවේදනයක්..
ඊයේ (25) සිට ක්‍රියාත්මක වන පරිදි ගෘහස්ථ ගෑස් සිලින්ඩරයක උපරිම සිල්ලර මිලක් නියම කරමින් පාරිභෝගික කටයුතු පිළිබඳ අධිකාරිය විසින් ගැසට් නිවේදනයක් නිකුත් කර ඇත. එම ගැසට් නිවේදනය අනුව ලීටර් 18 ක ගෑස් ප්‍රමාණයක් අන්තර්ගත වන කිලෝග්‍රෑම් 9.6 ක ධාරිතාවයෙන් යුතු ගෘහස්ථ ගෑස් සිලින්ඩරයක උපරිම සිල්ලර මිල රුපියල් 1,150 ක් වනු ඇත. එසේ වුවද දිස්ත්‍රික් මට්ටමින් මෙම මිල ගණන් යම් වෙනසකට ලක්විය හැකි බවත් කොළඹ සහ ගම්පහ දිස්ත්‍රික්කවල උපරිම සිල්ලර මිල රුපියල් 1,150 ක් වන බවත් පාරිභෝගික කටයුතු පිළිබඳ අධිකාරිය වැඩිදුරටත් පවසයි.
