ළමා ඉතුරුම් ගිණුම් වලින් බදු අයකරගැනීමේ තීරණය වහා අත්හිටුවිය යුතුයි – පාරිභෝගික අයිතීන් සුරැකීමේ ජාතික ව්‍යාපාරය
2018 අප්‍රේල් මස 01 වනදා සිට ක්‍රියාත්මක වන පරිදි නව බදු පනත යටතේ ළමා ඉතුරුම් ගිණුම් වලින් 5% ක බදු මුදලක් ලබාගැනීමට රජය විසින් ගෙන ඇති තීරණය දැඩිව හෙළා දකින බව පාරිභෝගික අයිතීන් සුරැකීමේ ජාතික ව්‍යාපාරය අවධාරණය කර සිටියි. නිවේදනයක් නිකුත් කරමින් එම සංවිධානය පවසා සිටින්නේ ලෝක ළමා දිනය දා පමණක් ළමයින් වෙනුවෙන් කිඔුල් කදුළු හෙලන රජය විසින් ගෙන ඇති මෙම තීරණය ඉතා අසාධාරණය බවයි.
මෙවැනි තීරණයක් ක්‍රියාත්මක වන්නේ මෙරට ඉතිහාසයේ ප්‍රථම වතාවට බවත් බඩු මිල සීඝ්‍ර ලෙස වැඩිවී ඇති මේ මෙහොතේ පාරිභෝගිකයා දැඩි අසරණභාවයට පත්ව ඇති අතර තම දරුවන්ගේ ඉදිරි අනාගතය වෙනුවෙන් කරනු ලබන ඉතිරිකිරීම් වලින් ද මේ ආකාරයට බදු අයකරගැනීම කණගාටුවට කරුණක් බවත් මෙම තීරණය වහාම අත්හිටුවන ලෙස රජයෙන් ඉල්ලා සිටින බවත් මෙම නිවේදනයෙහි තවදුරටත් සදහන් කර ඇත.
