බෝවන රෝග පාලනය කිරීමේ සියළු රාජකාරි කටයුතු වලින් ද ඉවත්වනවා – මහජන සෞඛ්‍ය පරීක්ෂකවරුන්ගේ සංගමය
සිය ගැටළු විසඳීමට කටයුතු නොකරන්නේ නම් අද (19) සිට බෝවන රෝග පාලනය කිරීමේ සියළු රාජකාරි කටයුතු වලින් ද ඉවත්වන බව මහජන සෞඛ්‍ය පරීක්ෂකවරුන්ගේ සංගමය අනතුරු අඟවා සිටියි. මෙම ගැටළුකාරී තත්ත්වය දිගින් දිගටම පවතින්නේ නම් ඉදිරියේ දී වර්ජනයක දියත් කිරීමට කටයුතු කරන බව ද එම සංගමය වැඩිදුරටත් පවසයි. මහජන සෞඛ්‍ය පරීක්ෂකවරුන්ගේ සංගමය පසුගිය 17 වන දා සිට කොරෝනා වසංගතය පාලනය කිරීමේ රාජකාරී වලින් ද ඉවත්වීමට තීරණය කරන ලදී.
