නිල ඡන්ද දැන්වීම් පත්‍රිකා බෙදාහැරීම 95% කින් අවසන්..
ඉදිරි මහමැතිවරණයට අදාළ නිල ඡන්ද දැන්වීම් පත්‍රිකා බෙදාහැරීමේ කටයුතු මේ වනවිට 95% කින් පමණ අවසන්ව ඇතැයි තැපැල් දෙපාර්තමේන්තුව අවධාරණය කර සිටියි. ඒ අනුව හෙට (29) දිනය වනවිට එම කටයුතු අවසන් කිරීමට බලාපොරොත්තු වන බව දෙපාර්තමේන්තු ආරංචි මාර්ග තවදුරටත් පවසා සිටියි. කෙසේවෙතත් හෙටින් පසුව ද නිල ඡන්ද දැන්වීම් පත්‍රිකා නොලැබුණහොත් තමන් පදිංචි ප්‍රදේශයට අදාළ තැපැල් කාර්යාලයෙන් එම නිල ඡන්ද දැන්වීම් පත්‍රිකා ලබාගැනීමට හැකියාව පවතින බව ද තැපැල් දෙපාර්තමේන්තුව තවදුරටත් පවසයි.
