මෙරට කොරෝනා ආසාදිතයින්ගේ සංඛ්‍යාව 2828 ක් තෙක් ඉහළට..
මේ දක්වා මෙරටින් වාර්තා වන කොරෝනා ආසාදිතයින්ගේ සංඛ්‍යාව 2828 ක් තෙක් ඉහළ ගොස් ඇතැයි සෞඛ්‍ය ආරංචි මාර්ග අනාවරණය කර සිටියි. ඊයේ (03) දිනයේදී ආසාදිතයින් සිව්දෙනෙකු හඳුනාගෙන ඇති අතර ඔවුන් සෞදි අරාබියේ සිට මෙරටට පැමිණ නිරෝධායනය වෙමින් සිටි පිරිසක් බව ද සෞඛ්‍ය ආරංචි මාර්ග කවදුරටත් පවසයි. කෙසේ වෙතත් ආසාදිතයින් 2517 ක් මේ වනවිට සුවය ලබා ඇති අතර රෝගීන් 300 දෙනෙකු වෛද්‍ය අධීක්‍ෂණය යටතේ තවමත් රෝහල්ගතව ප්‍රතිකාර ලබමින් සිටියි.
