රාගල වතු යායේ වතු නිවාස පේළියක ගින්නක්, නිවාස 14 ක් විනාශ වෙයි, ජීවිත හානියක් නෑ..
අද (12) අලුයම් කාලයේ හටගත් ගින්නක් හේතුවෙන් රාගල වතු යායේ වතු නිවාස පේළියක නිවාස 14 ක් සම්පූර්ණයෙන්ම විනාශ වී ඇති බව වාර්තා වේ. රාගල පොලිසියේ නිලධාරින්ගේ මැදිහත්වීමෙන් යුද හමුදා සාමාජිකයින්ගේ සහ වතු ජනතාවගේ සහායෙන් මෙම ගින්න නිවා දැමීමට කටයුතු කර තිබෙන අතර ගින්න හේතුවෙන් එම පවුල් 14 කට අයත් 59 දෙනෙකු අවතැන්ව ඇත. ඔවුන් මේ වනවිට එම වතු යායේ කොවිලෙහි තාවකාලිකව නවාතැන් ගෙන සිටියි. ගින්නට හේතුව විදුලි කාන්දුවක් බව සැකකෙරෙන බව මේ සම්බන්ධයෙන් පරීක්‍ෂණ පවත්වන රාගල පොලසිය පවසා සිටියි.
