පළාත් සභා මැතිවරණයට ශ්‍රී.ල.නි.ප. වෙනම සන්ධානයකින් ..
ඉදිරි පළාත් සභා මැතිවරණයේදී ශ්‍රී ලංකා නිදහස් පක්ෂය වෙනම සන්ධානයකින් තරඟ වැදීමට තීරණය කර ඇති බව වාර්තා වේ. එම සන්ධානයට තවත් පක්ෂ කිහිපයක් එක්වීමට නියමිත බව දේශපාලන ආරංචි මාර්ග සඳහන් කරයි. මේ සම්බන්ධයෙන් ඉදිරියේදී සාකච්ඡා වට කිහිපයක් පැවැත්වීමට නියමිතව ඇත. වත්මන් ආණ්ඩුවේ අමාත්‍යවරුන් ලෙස කටයුතු කරන ශ්‍රී ලංකා නිදහස් පක්ෂයේ ජ්‍යෙෂ්ඨයින්ගේ ද සහයෝගයෙන් එම කටයුතු සිදුවන බව දේශපාලන ආරංචි මාර්ග සඳහන් කරයි. එමෙන්ම, මේ වනවිට පළාත් පාලන ආයතන නියෝජනය කරන ශ්‍රී ලංකා නිදහස් පක්ෂයේ මන්ත්‍රීවරුන් 1,064 දෙනාගේ සහාය ද ඒ සඳහා හිමිව ඇති බව වාර්තා වේ.
