සෞඛ්ය මාර්ගෝපදේශයන්ට අනුව නව අවුරුදු සැමරීම සඳහා අවශ්ය පසුබිම සකස් කරගන්න – ජනාධිපති ගෝඨාභය රාජපක්ෂ
සංස්කෘතිය මුල් කරගනිමින් පවතින වසංගත තත්ත්වය හමුවේ සෞඛ්ය මාර්ගෝපදේශයන්ට අනුව නව අවුරුදු සැමරීම සඳහා අවශ්ය පසුබිම සකස් කරගැනීම සියළුදෙනාගේම වගකීම වන බව ජනාධිපති ගෝඨාභය රාජපක්ෂ මහතා අවධාරණය කර සිටියි. නව අවුරුද්ද වෙනුවෙන් සුභ පැතුම් පණිවුඩයක් නිකුත් කරමින් ජනාධිපති ගෝඨාභය රාජපක්ෂ මහතා මේ බව සඳහන් කර සිටියි. එම නිවේදනයෙහි වැඩිදුරටත් මෙසේ සඳහන්ව ඇත.
ජනතාව කිසිදු භේදයකින්, වෙනසකින් තොරව දහමට අනුව ඇති කරගන්නා සිතිවිලි ඔස්සේ සිංහල හින්දු අලුත් අවුරුදු චාරිත්ර සමග එක්වනු දැකීම සිය අපේක්ෂාවයි. පැවති අයහපත් වසංගත තත්ත්වය හේතුවෙන් පසුගිය වසරේ සිංහල හින්දු අවුරුදු උදාව සැමරීමට ජනතාවට නොහැකි වුවත් නැවුම් බලාපොරොත්තු සහ එම බලාපොරොත්තු සඵල කර ගැනීමේ අධිෂ්ඨානය සමඟ සිංහල හින්දු නව අවුරුද්ද පිළිගැනීම අපේ සංස්කෘතියෙහි අගනා සම්ප්රදායක් ලෙස හැඳින්විය හැකියි.