සෞඛ්‍ය මාර්ගෝපදේශයන්ට අනුව අවුරුදු සමරමින් සංස්කෘතිමය වටිනාකම් රැක ගැනීම සියලුදෙනාගේ වගකීමයි – අග්‍රාමාත්‍ය මහින්ද රාජපක්‍ෂ
පවතින තත්ත්වය හමුවේ සෞඛ්‍ය මාර්ගෝපදේශයන්ට අනුව නව අවුරුදු සමරමින් අපගේ සංස්කෘතිමය වටිනාකම් රැක ගැනීම සියලුදෙනාගේ වගකීම වන බව අග්‍රාමාත්‍ය මහින්ද රාජපක්‍ෂ මහතා පවසයි. සිංහල හින්දු අලුත් අවුරුද්ද වෙනුවෙන් සුභ පැතුම් පණිවිඩයක් නිකුත් කරමින් අග්‍රාමාත්‍යවරයා මේ බව සඳහන් කර සිටියි. එම නිවේදනය මඟින් අග්‍රාමාත්‍යවරයා වැඩිදුරටත් පහත කරුණු අවධාරණය කර ඇත. රජයේ සෞඛ්‍ය මාර්ගෝපදේශ පිළිපදිමින් ජනතාව සිදුකරන ලද කැපවීම නිසා, නව අවුරුද්ද මේ තරමට හෝ නිදහස් ලෙස සැමරීමට අවස්ථාව උදා වී තිබෙනවා. සියළු ජනතාවගේ අනාගතය සෞභාග්‍යමත් කිරීමේ වෑයමක රජය නිරතව සිටිනවා.
