නිරෝධායන නීති කඩකළ 323 ක් පොලිස් දැලේ..
ගතවූ පැය 24 ක කාලය තුළ නිරෝධායන රීති උල්ලංඝනය කළ පුද්ගලයින් 323 දෙනෙකු අත්අඩංගුවට ගෙන ඇතැයි පොලිස් ආරංචි මාර්ග අනාවරණය කර සිටියි. ඒ අනුව මේ දක්වා ගතව ඇති කාලය තුළ නිරෝධායන රීති උල්ලංඝනය කිරීම සම්බන්ධයෙන් පුද්ගලයින් 43,855 දෙනෙකු අත්අඩංගුවට ගෙන ඇත. වසංගත තත්ත්වය හේතුවෙන් පනවන ලද සංචරණ සීමා ඉවත් කර රට විවෘත කර තිබුනද ජනතාව නිරෝධායන රීතීන්ට අනුගතවිය යුතු බව පොලිස් මාධ්‍ය ප්‍රකාශක, ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා අවධාරණය කර සිටියි.
