දිනත් තුළ වැඩිම එන්නත්කරණය ඊයේ..
ඊයේ (13) දිනය තුළ පුද්ගලයින් 337,445 කට කොරෝනා මර්දන එන්නත්හි ලබාදී ඇතැයි සෞඛ්‍ය රාජ්‍ය අමාත්‍ය, මහාචාර්ය චන්න ජයසුමන මහතා පවසයි. මේ දක්වා දිනක් තුළ මෙරටදී වැඩිම පුද්ගලයින් ප්‍රමාණයකට එන්නත් ලබාදී ඇත්තේ ඊයේ දිනයේදී බවද අමාත්‍යවරයා තවදුරටත් පවසා ඇත. ඒ අනුව ඊයේ දිනය තුළ සයිනොෆාම් එන්නත පුද්ගලයින් 289,122 කටත් එහි දෙවන මාත්‍රාව පුද්ගලයින් 32,385 දෙනෙකුටත් ලබාදී ඇත. ස්පුට්නික් V එන්නත් මාත්‍රා 15,202 ක්, ෆයිසර් එන්නත් මාත්‍රා 700 ක් සහ කොවිෂිල්ඩ් එන්නත් මාත්‍රා 36 ක්ද ඊයේ දිනය තුළ ලබාදී තිබේ.
