ජන ජීවිතය සාමාන්ය පරිදි පවත්වාගෙන යාම සඳහා අත්යවශ්ය සේවා කොමසාරිස් ජනරාල්වරයෙකු පත්කෙරේ..
ජන ජීවිතය සාමාන්ය පරිදි පවත්වාගෙන යාම සඳහා අත්යවශ්ය සේවා කොමසාරිස් ජනරාල්වරයෙකු පත්කර ඇති බව වාර්තා වේ. ඒ අනුව මේජර් ජෙනරාල් එම්.එස්.පී. නිවුන්හැල්ල මහතා අදාළ ධූරයට පත්කර ඇත. අදාළ ගැසට් නිවේදනය ජනාධිපති ලේකම් පී.බී. ජයසුන්දර මහතාගේ අත්සනින් යුතුව ඊයේ (30) නිකුත්කර තිබේ. ජන ජීවිතය සාමාන්ය පරිදි පවත්වාගෙන යාමට අවශ්ය වන වී, සහල් සහ සීනි ඇතුළු සියළු අත්යාවශ්ය පාරිභෝගික ද්රව්ය බෙදාහැරීම සම්බන්ධීකරණය කිරීමේ අරමුණින් මෙම නව පත්කිරීම සිදුකර ඇත.