ඇප නෑ, කෙහෙළිය යලිත් රිමාන්ඩ්…
හිටපු සෞඛ්‍ය අමාත්‍ය කෙහෙළිය රඹුක්වැල්ල ඇතුළු 06 දෙනෙකුගේ ඇප ඉල්ලීම ඊයේ (14) මාලිගාකන්ද මහේස්ත්‍රාත් අධිකරණය හමුවේ සලකා බැලීමෙන් අනතුරුව මහේස්ත්‍රාත් ලෝචනී අබේවික්‍රම මහත්මිය ප්‍රතික්ෂේප කර තිබෙනවා. වර්තමානයේදී පවතින තත්ත්වය හමුවේ සැකකරුවන්ට ඇප ලබාදුනහොත් ජනතා කලබලයක් ඇතිවිය හැකි බැවින් නඩු විභාගය අවසන්වනතුරු රක්ෂිත බන්ධනාගාර ගත කරන්නැයි එම නියෝගයේ සඳහන් කර ඇත.
ඒ අනුව සැකකරුවන් ලබන 28 වැනි දා දක්වා තවදුරටත් රිමාන්ඩ් බාරයේ රඳවා තැබීමට ද නියම කළේය.
