ශ්‍රී ලංකාවට තියුණූ ජයක්..
තරග තුනකින් සමන්විත ශ්‍රී ලංකා – ඕස්‌ට්‍රේලියා විස්‌සයි විස්‌ස තරගාවලියේ ඊයේ (19) පැවති දෙවන තරගයෙන් කඩුලු 2 ක තියුණු ජයක් ලැබීමට ශ්‍රී ලංකා කණ්ඩායම සමත් විය. ඒ අනුව 2-0 ක් ලෙස තරගාවලියේ ජය තමන් සතු කරගැනීමටද ශ්‍රී ලංකා පිල සමත් විය. පළමුවෙන් පන්දුවට පහරදුන් ඕස්‌ට්‍රේලියානු කණ්ඩායම සිය පන්දු වාර 20 අවසානයේ ලබාගත් ලකුණූ 173 ට පිළිතුරු සැපයූ ශ්‍රී ලංකා කණ්ඩායම සිය අවසන් පන්දුවාරයේ අවසන් පන්දුවෙදී සිය ඉලක්කය පසුකර ගියේ තම කඩුළු 08 ක් ප්‍රතිවාදීන් විසින් දවාගෙන තිබියදීය. පන්දු 46 කදී ලකුණූ 84 ක් ලබාගත් අසේල ගුණරත්න තරගයේ වීරයා සම්මානය දිනා ගනිමින් ශ්‍රී ලංකා කණ්ඩායම ජයග්‍රශණය කරා ගෙන යන ලදී.
