සිමෙන්ති මිල ඉහළ දැමීමෙන් පාරිභෝගිකයා කබලෙන් ලිපට වැටිලා – පාරිභෝගික අයිතීන් සුරැකීමේ ජාතික ව්යාපාරය
මෙරටට ආනයනය කරනු ලබන සිමෙන්ති වල මිලගණන් ඉහළ නොදමා මෙරට තුළ නිෂ්පාදනය කරන සිමෙන්ති වල මිල රුපියල් 30 කින් ඉහළ දැමීම පුදුම සහගත බව පාරිභෝගික අයිතීන් සුරැකීමේ ජාතික ව්යාපාරය අවධාරණය කර සිටියි. පාරිභෝගික අයිතීන් සුරැකීමේ ජාතික ව්යාපාරයේ සභාපති රංජිත් විතානගේ මහතාගේ අත්සනින් යුතුව මාධ්ය වෙත නිකුත් කර ඇති නිවේදනයක මේ බව සදහන් වන අතර එහි වැඩිදුරටත් දක්වා ඇත්තේ සිමෙන්ති මිල මේ ආකාරයට ඉහළ දැමීමට අවශ්ය වී ඇත්තේ විෂයභාර අමාත්යවරයාට බවයි.
මේ ආකාරයට සිමෙන්ති මිල ඉහළ දමමින් මෙරට ජනතාවගේ නිවාස සිහිනය බොද කිරීමට කටයුතු කරන්නේ මෙරට ජනතාව 2020 වසරේදී ජනාධිපති සිහිනය බොදකළ නිසාදැයි ජනාධිපතිවරයාගෙන් විමසා සිටින බවත් සිමෙන්ති මිල වැඩිකිරීමට ලබාදෙන ලද අවසරය වහාම අවලංගු කිරීමට කටයුතු කරන ලෙස ජනාධිපතිවරයාගෙන් ඉල්ලා සිටින බවත් මෙම නිවේදනයෙහි වැඩිදුරටත් සදහන්ය.
මෙම තීරණයෙන් පාරිභෝගිකයා කබලෙන් ලිපට වැටෙන අතර අැමතිවරුන් සාක්කු පුරවාගන්නා බවද පාරිභෝගික අයිතීන් සුරැකීමේ ජාතික ව්යාපාරය වැඩිදුරටත් මෙම නිවේදනය මගින් අවධාරණය කර සිටියි.