සිංහල හා දෙමළ අලූත් අවුරුදු නැකැත් සීට්ටුව ජනපති අතට …
උදාවන සිංහල හා දෙමළ අලූත් අවුරුද්ද වෙනුවෙන් සකස් කල නැකැත් සීට්ටුව සාම්ප්‍රදායික චාරිත්‍රානුකූලව ජනාධිපති නිල නිවසේදී ජනාධිපති මෛත්‍රීපාල සිරිසේන මහතා වෙත අද (4) දින පිළිගැන්වීය.
අභ්‍යන්තර කටයුතු, වයඹ සංවර්ධන හා සංස්කෘතික කටයුතු අමාත්‍ය එස්.බී.නාවින්න මහතා විසින් ජනාධිපතිවරයා වෙත නැකැත් සීට්ටුව මෙසේ පිළිගන්වනු ලදී. අලූත් අවුරුදු උදාව, පුණ්‍ය කාලය, හිසතෙල් ගෑම, ආහාර පිසීම, ආහාර අනුභවය සහ උදාවු නව වසරේ රැකී රක්ෂා සඳහා පිටත්ව යාම ආදී නැකැත් චාරිත්‍ර මෙම නැකැත් සීට්ටුවට ඇතුළත් කර ඇත.
