විශ්වවිද්යාල අනධ්යයන සේවක වර්ජනය තව දුරටත් ..
විශ්වවිද්යාල අනධ්යයන සේවක වර්ජනය අඛණ්ඩව සිදුකිරීමට විශ්වවිද්යාල වෘත්තීය සමිති එකාබද්ධ කමිටුව තීරණය කර ඇත. උසස් අධ්යාපන අමාත්යවරයා සමඟ පැවති සාකච්ඡාවේදී එකඟ වූ කරුණු ඊයේ (03) දිනය ලිඛිතව ඉටු නොකිරීම හේතුවෙන් අද (04) දින සිට වර්ජනය අත්හැරීමට ගත් තීරණය ක්රියාත්මක නොකරන බව එම කමිටුවේ සභාපති එඩ්වඩ් මල්වත්තගේ මහතා පවසයි. ඒ මහතා වැඩිදුරටත් පවසා සිටින්නේ බලධාරින් විසින් කඩිනමින් අදාළ එකඟ වු කරුණු ඇතුලත්ව ලිඛිතව ඉදිරිපත් කිරීමට කටයුතු කරනු ලබන්නේ නම් අදාල වර්ජනය අවසන් කර සේවයට වාර්තා කිරිමට පියවර ගන්නා බවයි.