දැයෙන් සමුගත් සිනමාවේදී ආචාර්ය ලෙස්ටර්ගේ අවසන් කටයුතු සිදුවන අද දිනය ජාතික ශෝක දිනයක් කරයි..
අභාවප්‍රාප්ත වූ ප්‍රවීණ සිනමාකරු ආචාර්ය ලෙස්ටර් ජේම්ස් පීරිස් මහතාගේ අවසන් කටයුතු අද (02) සිදුකිරීමට නියමිතය. අද දිනය ශෝක දිනයක් ලෙස ප්‍රකාශයට පත්කිරීමට රජය තීරණය කර ඇති බව රාජ්‍ය පරිපාලන අමාත්‍යාංශය පවසා සිටියි. ලෙස්ටර් ජේම්ස් පීරිස් මහතාගේ දේහය දහවල් 12.00 ට මහජන ගෞරවය වෙනුවෙන් කොළඹ 07, නිදහස් චතුරශ්‍රයේ තැන්පත් කිරීමෙන් පසුව සවස 03.00 ට රාජ්‍ය අනුග්‍රහය සහිතව අවමංගල්‍ය උත්සවය පැවැත්වීමට කටයුතු යොදා ඇත.
