නව ඇමතිවරුන් පිරිසක් දිවුරුම් දෙයි..
නව කැබිනට් අමාත්‍යවරු දෙදෙනෙක් සහ රාජ්‍ය අමාත්‍යවරුන් 5 දෙනෙක් ඊයේ (08) දිවුරුම් දෙන ලදී. ජනාධිපති කාර්යාලයේ දී ජනාධිපති මෛතී‍්‍රපාල සිරිසේන මහතා ඉදිරියේ දී මොවුන් දිවුරුම් දී ඇති බව ජනාධිපති මාධ්‍ය අංශය සඳහන් කරයි. ඒ අනුව, කැබිනට් අමාත්‍යවරුන් ලෙස බන්දුල ගුණවර්ධන මහතා – ජාත්‍යන්තර වෙළඳ හා ආයෝජන ප්‍රවර්ධන අමාත්‍ය සහ සුසිල් ප්‍රේම්ජයන්ත් මහතා – රාජ්‍ය පරිපාලන, ස්වදේශ කටයුතු සහ අධිකරණ අමාත්‍ය ලෙස දිවුරුම් දී ඇත. ඊට අමතර රාජ්‍ය අමාත්‍යවරුන්,සී.බී රත්නායක මහතා – ප්‍රවාහන රාජ්‍ය අමාත්‍ය සාලින්ද දිසානායක මහතා - දේශීය වෛද්‍ය රාජ්‍ය අමාත්‍ය, ලක්ෂමන් වසන්ත පෙරේරා මහතා – ජාත්‍යන්තර වෙළඳාම සහ ආයෝජන ප්‍රවර්ධන රාජ්‍ය අමාත්‍ය , එස්.එම්.චන්ද්‍රසේන මහතා – සමාජ සවිබල ගැන්වීමේ රාජ්‍ය අමාත්‍ය සහ අනුර ප්‍රියදර්ශන යාපා මහතා – මුදල් රාජ්‍ය අමාත්‍ය ලෙස දිවුරුම් දී ඇත.
