මුස්ලිම් දෙවාස්ථානයකින් හමුවූ ආයුධ නැවත භාරදීමට උත්සහ කළ වෙල්ලම්බඩ පොලිසියේ වැඩබලන ස්ථානාධිපතිවරයාගේ වැඩ තහනම්..
නඩු භාණ්ඩ ලෙස නම් කරන ලද භාණ්ඩ කිහිපයක් කිසිදු ජ්යෙෂ්ඨ නිලධාරියෙකුගේ අනුදැනුමකින් තොරව යළි භාරදීමට උත්සහ කළ වෙල්ලම්බඩ පොලිස්ථානයේ වැඩබලන පොලිස් ස්ථානාධිපතිවරයා වැඩ තහනමකට ලක්කර ඇති බව වාර්තා වේ. ඒ අනුව වෙල්ලම්බඩ පොලිස්ථානයේ වැඩබලන පොලිස් ස්ථානාධිපතිවරයාට මහනුවර පොලිස් ස්ථානයට ස්ථාන මාරුවක්ද ලබා දී තිබේ. පසුගිය කාලය තුළ සිදුකරන ලද සෝදිසි මෙහෙයුම්වලදී වෙල්ලම්බඩ මුස්ලිම් දෙවාස්ථානයේ තිබී පොලිස් භාරයට ගන්නා ලද මන්නා පිහි 76 ක් සහ අත්පොරෝ 16 ක් මෙම වැඩබලන පොලිස් ස්ථානාධිපතිවරයා විසින් ඊයේ (06) දිනයේදී නැවත භාරදිමට කටයුතු කරමින් සිටින බවට අනාවරණය වීම නිසා මහනුවර පොලිස් ස්ථානාධිපතිවරයා විසින් වෙල්ලම්බඩ පොලිස් ස්ථානයට ගොස් පරික්ෂණයක් ආරම්භ කිරීමෙන් පසු වෙල්ලම්බඩ පොලිසියේ වැඩබලන පොලිස් ස්ථානාධිපතිවරයා වහාම ක්රියාත්මකවන පරිදි මහනුවර පොලිස් ස්ථානයට ස්ථාන මරුවක් ලබා දී රාජකාරි වැඩ තහනමකට ද ලක්කර ඇත.