අනුරාධපුර – පුත්තලම මාර්ගයේදී වෑන් රථයක් ගසක ගැටී තිදෙනෙකු මරුට, 09 කට තුවාල..
අනුරාධපුර – පුත්තලම මාර්ගයේ අද (24) දහවල් කාලයේ සිදුවූ රිය අනතුරකින් කුඩා දියණියක් ඇතුළු තිදෙනෙකු ජීවිතක්ෂයට පත්ව ඇති අතර 09 දෙනෙකු තුවාල ලබා ඇති බව වාර්තා වේ. එම මාර්ගයේ හතරේකණුව ප්රදේශයේ දී වෑන් රථයක් එහි රියදුරුවරයාට පාලනය කරගැනීමට නොහැකිව මාර්ගයෙන් ඉවතට පැන ගසක ගැටීමෙන් මෙම අනතුරු සිදුව තිබේ. තුන් හැවිරිදි දියණියක්, එම දියණිගේ මව සහ වෑන් රථයේ රියදුරුවරයා මෙම අනතුරින් මියගොස් තිබේ. අදාළ අනතුර සිදුවන අවස්ථාවේ වෑන් රථය තුළ 11 දෙනෙකු ගමන් කර ඇති අතර ඉන් තුවාල ලැබූ 09 දෙනෙකු ප්රතිකාර සදහා රෝහල් ගත කර තිබේ. මෙම අනතුර සම්බන්ධයෙන් පුත්තලම පොලීසිය විසින් වැඩිදුර විමර්ශන කටයුතු සිදුකරයි.