ප්‍රදේශ රැසකට අදත් වැසි..
මේ වන විට දිවයිනේ ප්‍රදේශ කිහිපයකට බලපා ඇති වැසි සහිත කාලගුණ තත්ත්වය තවදුරටත් පවතිනු ඇතැයි කාලගුණ විද්‍යා දෙපාර්තමේන්තුව සඳහන් කර සිටියි. මෙරටට දකුණු දෙසින් නිරිත දිග බෙංගාල බොක්ක මුහුදු ප්‍රදේශයේ පවතින ලද වායුගෝලයේ කැළඹිලි සහිත ස්වාභය මේ වනවිට ආරබි මුහුද දෙසට ගමන් කරමින් තිබෙන බැවින් මෙසේ වැසි තත්ත්වය තවදුරටත් පවතිනු ඇතැයි එම ආරංචි මාර්ග පවසා සිටියි. ඒ අනුව විශේෂයෙන් නැගෙනහිර, ඌව සහ දකුණු පළාත්වල මෙන්ම පුත්තලම දිස්ත්‍රික්කයේත් පවතින වැසි සහිත කාලගුණ තත්ත්වය අද දිනයේදී තවදුරටත් පවතිනු ඇතැයි කාලගුණ විද්‍යා දෙපාර්තමේන්තු ආරංචි මාර්ග වැඩිදුරටත් පවසයි. එමෙන්ම දකුණු, ඌව, නැගෙනහිර, උතුරු, උතුරු මැද පාළාත්වලත් නුවරඑළිය, රත්නපුර, කළුතර හා මාතලේ දිස්ත්‍රික්කවලත් ස්ථාන රැසක වැසි ඇතිවනු ඇත.
