නිදහස් සැමරුමෙහි පුහුණුවීම් නිසා කොළඹ පාසල් 15 ක් අද වැසේ..
72 වන ජාතික නිදහස් දින සැමරුමෙහි පුහුණුවීම් නිසා කොළඹ නගරය ආශ්‍රිත පාසල් 15 ක් අද (03) දිනයේදී වසා දැමීමට තීරණය කර ඇතැයි වාර්තා වේ. ඒ අනුව කොළම පිහිටි රජයේ මෙන්ම පුද්ගලික පාසල් ද මෙසේ වසා දැමීමට තීරණය කර ඇත. රාජකීය, ඩී.එස් සේනානායක, තර්ස්ටන්, සෙන්ට් බ්‍රිජට්ස්, යශෝධරා, මියුසියස්, සහ කාන්තා විද්‍යාලය වසා දැමීමට නියමිතව ඇත. මීට අමතරව කොළඹ 12 මිහිඳු මහා විද්‍යාලය, කොළඹ 10 අල් හිදායා විද්‍යාලය සහ අශෝක විද්‍යාලය ද වසා දැමේ. අද (03) පෙරවරු 07.00 සිට දහවල් 12.00 දක්වා කොළඹ නිදහස් චත්‍රරස්‍රය ආශ්‍රිත මාර්ග කිහිපයක් ද වසා දැමෙනු ඇත. ඒ අනුව නිදහස් මාවත, විද්‍යා මාවත, මේට්ලන් පෙදෙස, මේට්ලන් ක්‍රසන්ට්, සී.ඩබ්ලිව්.ඩබ්ලිව් කන්නන්ගර මාවත, මාර්කස් ප්‍රනාන්දු මාවත, පදනම් පාර සහ විජේරාම පාර හෝර්ටන් වට රවුම දක්වා කොටස් තුළ ගමනාගමනය සීමා කෙරෙනු ඇත.
