සමඟ ජන බලවේගය අප්රසාදයට ලක්කරන ව්යාජ ප්රචාර හෙළා දකිනවා – මහලේකම් රංජිත් මද්දුමබණ්ඩාර
කොරෝනා වෛරසයේ ව්යාප්තිය හේතුවෙන් රට මුහුණපා ඇති ව්යසනකාරී තත්ත්වය පිළිබඳ සමඟි ජන බලවේගය සන්ධානයේ නායක සජිත් ප්රේමදාස සහ එහි මහලේකම් රංජිත් මද්දුමබණ්ඩාර යන මහත්වරුන් පසුගියදා ජනාධිපතිවරයා සමඟ පවත්වන ලද සාකච්ඡාව සම්බන්ධයෙන් සමාජය නොමඟ යවන සුළු කරුණු කිහිපයක් ප්රචාරය කිරීමට රජයට සම්බන්ධ මාධ්ය ආයතන කිහිපයක් කටයුතු කිරීම පිළිබඳ අප්රසාදය පළකරන බව සමගි ජන බලවේගය අවධාරණය කර සිටියි. සමගි ජන බලවේගය සන්ධානයේ මහලේකම් රංජිත් මද්දුමබණ්ඩාර මහතාගේ අත්සනින් යුතුව නිකුත් කර ඇති මාධ්ය නිවේදනයක මේ බව සඳහන් කර ඇත. ඉහත සඳහන් සාකච්ඡාව සඳහා අධිකරණයෙන් ඇප ලැබුණු අයවළුන්ට සහභාගිවීමට අවස්ථාවක් නොලැබුණූ බවට වන ව්යාජ ප්රචාරයක් සමාජගත කිරීමට ඇතැම් දේශපාලන බංකොලොත්කරුවන් විසින් උත්සහ ගෙන ඇති බවත් මෙම තත්ත්වය දැඩිව හෙළාදකින බවත් සඳහන් කරමින් මෙම මාධ්ය නිවේදනය නිකුත් කර ඇත.