තැපැල් ඡන්ද අයඳුම් කිරීම මැයි 04 දිනට පෙර ..
මහ මැතිවරණය ලබන ජුනි මස 20 වන දින පැවැත්වීමට අදාළ ගැසට් නිවේදනය මේ වන විට නිකුත් කර ඇත.රාජ්‍ය නිලධාරීන් සිය තැපැල් ඡන්ද අයදුම්පත් මැයි මස 04වනදා හෝ ඊට පෙර දිනකදී දිස්ත්‍රික් මැතිවරණ කාර්යාල වෙත භාරදෙන ලෙස ඒ අනුව මැතිවරණ කොමිෂන් සභාව ඉල්ලීමක් කර ඇත. ජනාධිපති ගෝඨාභය රාජපක්ෂ මහතා ඉකුත් මාර්තු දෙවැනිදා පාර්ලිමේන්තුව විසුරුවාහැරීමත් සමඟ අප්‍රේල් මස 25වනදා මහමැතිවරණය පැවැත්වීමට දින නියම කළද කොවිඩ් නයින්ටීන් වෛරස ව්‍යාප්තිය හමුවේ මහමැතිවරණය කල්දමන බවට ජාතික මැතිවරණ කොමිෂන් සභාවේ සභාපති මහින්ද දේශප්‍රිය මහතා ප්‍රකාශ කරන ලදී. සෞඛ්‍ය බලධාරීන් සමග පැවති සාකච්ඡාවකින් අනතුරුව ඉදිරි මහමැතිවරණය ජූනි මස 20 වැනි දින පැවැත්වීමට ජාතික මැතිවරණ කොමිෂන් සභාව තීරණය කළ අතර ඒ අනුව ඊට අදාල ගැසට් නිවේදනය මැතිවරණ කොමිෂන් සභාවේ සභාපති මහින්ද දේශප්‍රිය මහතා ඇතුළු සාමාජිකයින්ගේ අත්සනින් යුතුව නිකුත් කරන ලදී.
