චීන රජය තොරතුරු සඟවාගෙන ඒකාධිපති රජයක් ලෙස කටයුතු කළත් ශ්‍රී ලංකාවට එලෙස කටයුතු කිරීමට හැකියාවක් නෑ – එරාන් වික්‍රමරත්න ..
සෞඛ්‍ය අංශ රට විවෘත නොකරන ලෙස ඉල්ලා සිටි අවස්ථාවේ දී අප්‍රේල් 20 දින රට විවෘත කරන බවට ආණ්ඩුව පවසා සිටිය අතර අද වන විට නිසි වැඩපිළිවෙලක් වෛරසය මර්දනය කිරීමට දියත් නොකර එහි වගකීම ද ජනතාව පිට පැටවීමට ආණ්ඩුව කටයුතු කරමින් සිටින අතර එය තරයේ හෙළා දකින බව එ.ජා.ප. පාර්ලිමේන්තු මන්ත්‍රි එරාන් වික්‍රමරත්න මහතා පවසයි. ඒ මහතා මේ බව පවසා සිටියේ සමඟි ජන බලවේගය අද (27) පැවැත්වු මාධ්‍ය හමුවකට එක්වෙමින්ය. චීන රජය තොරතුරු සඟවාගෙන ඒකාධිපති රජයක් ලෙස කටයුතු කළත් ශ්‍රී ලංකාව ප්‍රජාතන්ත්‍රවාදි රටක් වන බැවින් එලෙස ඒකාධිපතිත්වයෙන් කටයුතු කිරීමට අවස්ථාවක් නොමැති නිසා යම් යම් දේ සඟවාගෙන කටයුතු කිරීමට ආණ්ඩුවට අයිතියක් නොමැති බව හෙතම වැඩිදුරටත් පවසන ලදී. සතොස පෝලීමේ ජනතාවට සිටිමට හැකියාව පවතින්නේ නම් ඡන්ද පෝලිමේ සිටිමට නොහැකි ඇයිද යන්න හිටපු මන්ත්‍රී දිළුම් අමුණුගම මහතා පවසා සිටින අතර එම ප්‍රකාශය තරයේ හෙළාදකින අතර මිනිසුන්ගේ ජිවිත හා මරණය පිළිබඳව ප්‍රශ්ණයක දී ආණ්ඩුවේ මන්ත්‍රීවරුන් මෙලස පිළිතුරු ලබාදීම සිදුකරනු ලබන්නේ කණගාටුදායක තත්ත්වයක් වන බැවින් තවදුරටත් ජනතාවට බොරු පවසමින් මැතිවරණයකට අවශ්‍ය සැලසුම් සකස් නොකර ලෙස ඉල්ලා සිටින බව ඒ මහතා පවසන ලදී.
