අද දිනය තුළ ප්‍රදේශ රැසකට වැසි..
අද (08) දිනය තුළ දිවයිනේ ප්‍රදේශ කිහිපයක වැසි ඇතිවිය හැකි බව කාලගුණ විද්‍යා දෙපාර්තමේන්තුව අනාවරණය කර සිටියි. ඒ අනුව අද පස්වරුවේ හෝ රාත්‍රී කාලයේදී සබරගමුව, ඌව, මධ්‍යම, උතුරු මැද සහ දකුණු පළාත්වලත් කළුතර, අම්පාර සහ මඩකලපුව දිස්ත්‍රික්කවලත් වැසි ඇතිවිය හැකි බව එම ආරංචි මාර්ග පවසයි. එමෙන්ම උදෑසන කාලය තුළ බස්නාහිර සහ දකුණු පලාත්වලත් පුත්තලම, මන්නාරම සහ යාපනය දිස්ත්‍රික්කවල වෙරළ ආශ්‍රිත ප්‍රදේශවල වැසි ඇතිවිය හැකි බව ද එම ආරංචි මාර්ග තවදුරටත් පවසයි.
