කිලිනොච්චියේ නිවසක පිපිරීමකින් හිටපු කොටි සාමාජිකයෙකුට තුවාල, නිවසේ තිබී පුපුරණ ද්රව්ය සහ බෝම්බ හමුවෙලා..
කිලිනොච්චිය, පලෙයි, අයියකච්චි ප්රදේශයේ යම් පිපිරීමක් සිදුව ඇති බව වාර්තා වේ. නිවසක් තුළ සිදුව තිබෙන මෙම පිපිරීමෙන් පුද්ගලයෙකු බරපතළ තුවාල ලබා තිබේ. තුවාල ලැබූ පුද්ගලයා හිටපු එල්.ටී.ටී.ඊ සාමාජිකයෙකු බවට සැකකරන බවත් පිපිරීම සිදුවූ නිවසේ තිබී මෙරට නිෂ්පාදිත බෝම්බ තුනක්, “කළු කොටි සැමරුම සිදුකරමු“ ලෙස සඳහන් කොඩියක්, පුපුරණ ද්රව්ය තොගයක් සහ එල්.ටී.ටී.ඊ සංවිධානයේ හිටපු සාමාජිකයෙකුගේ ජායාරූපයක් ද හමුව ඇති බව පොලිස් ආරංචි මාර්ග සඳහන් කරයි. නිවසේ සිටි කාන්තාවක් ද අත්අඩංගුවට ගෙන ඇති අතර තුවාල ලැබූ පුද්ගලයා යාපනය රෝහලට ඇතුළත් කිරීමෙන් පසු වැඩිදුර ප්රතිකාර සඳහා අනුරාධපුර රෝහලට ඇතුළත් කර ඇත.