මහජන සෞඛ්‍ය පරීක්ෂකවරුන්ගේ ඉදිරි ක්‍රියාමාර්ග ගැන අවසන් තීරණය අද..
සිය ගැටළුවලට විසඳුම් ඉල්ලා දියත් කර තිබෙන වෘත්තිය සමිති ක්‍රියාමාර්ගය සම්බන්ධයෙන් වන ඉදිරි ක්‍රියාමාර්ග පිළිබඳව අද (23) දින අවසන් තීරණයකට එළඹෙන බව මහජන සෞඛ්‍ය පරීක්ෂකවරුන්ගේ සංගමය අවධාරණය කර සිටියි. මහජන සෞඛ්‍ය පරීක්‍ෂකවරුන් මේ වනවිට කොරෝනා මර්දන රාජකාරීවලින් ඉවත්ව ඇති අතර ඉදිරියේදී වර්ජනයකට එළඹීම සම්බන්ධයෙන් ද සිය අවධානය යොමුව ඇති බවත් එම සංගමය වැඩිදුරටත් පවසයි.
