ආරුමුගන් තොණ්ඩමන් මහතාට අයත් කොත්මලේ නිවසක ගින්නක්..
හිටපු අමාත්ය, ලංකා කම්කරු කොංග්රසයේ නායක, දිවංගත ආරුමුගන් තොණ්ඩමන් මහතාට අයත් කොත්මලේ, රම්බොඩ, වැවන්ටන් වත්තේ පිහිටි නිවසක අද (18) අලුයම් කාලයේ ගින්නක් හට ගෙන ඇති බව වාර්තා වේ. ගින්න හේතුවෙන් එම නිවසේ කොටසක් සම්පුර්ණයෙන්ම පාහේ විනාශ වී තිබේ. ගින්න නිසා කිසිදු ජීවිත හානියක් සිදුව නොමැති අතර නුවරඑළිය මහ නගර සභාවේ හා හැටන් දික්ඔය නගර සභාවේ ගිනි නිවීමේ ඒකක, පොලිසිය සමඟ එක්ව ගින්න පාලනය කර ඇත. ගින්න ඇතිවීමට හේතුව මෙතෙක් අනාවරණය වී නොමැති අතර කොත්මගේ පොලිසිය විසින් වැඩිදුර පරික්ෂණ සිදුකරනු ලබයි.