එ.ජා.ප. නායකත්වයෙන් ඉවත්වන ලෙස, ජාතික භික්ෂු සංවිධානයෙන් ඉල්ලීමක් ..
පක්ෂ නායකත්වයෙන් ඉවත් වන ලෙස එක්සත් ජාතික පක්ෂයේ නායක රනිල් වික්‍රමසිංහ මහතාගෙන් ඉල්ලීමක් කළ බව එක්සත් ජාතික පක්ෂ භික්ෂු පෙරමුණ පවසයි. එහි ප්‍රධාන ලේකම් පූජ්‍ය තිනියාවල පාලිත හිමි සඳහන් කරන ලද්දේ අදාළ ඉල්ලීම රනිල් වික්‍රමසිංහ මහතා ප්‍රතික්ෂේප කළ බවය. වසර 26ක පමණ කාලයක් නායකත්වයේ සිට කර ගැනීමට අපහසු වු කාරණා බොහෝමයක් ඇති අතර නායකයෙකු ලෙස ගත්ත තීරණ සියයට සියක් වැරදි නිසා අද වන විට පක්ත‍ෂය මෙම තත්ත්වයට පත්ව ඇති බවත් එම නිසා පක්ෂ නායකත්වයෙන් ඉවත්වන ලෙස එතුමා සමඟ පෞද්ගලිකවත් කතා කළත්, පොදුවේ කතා කරමින් ඉල්ලා සිටියත් ලියුමක් සකස් කර ගෞරවයෙන් බාර දුන්නද බෝපිටියේ හාමුදුරුවන්ගේ මුණට දමලා ගහනවා නම් මේක මම භාර ගන්නේ නැහැ යනුවෙන් එවන් නායකයෙක් සමග අපි කොහොම ද ඉදිරි ගමන යන්නේ? යනුවෙන් පූජ්‍ය තිනියාවල පාලිත හිමි වැඩිදුරටත්ද පවසන ලදී. අද වන විට රනිල් වික්‍රමසිංහ මහතාට හාමුදුරුවරු 10ක් හොයා ගැනීමට නොහැකි තත්ත්වයක් පවතින අතර මහින්ද රාජපක්ෂ මහතා සමග මේ වන විට 14,000 ක් වු සංඝයා එකතුවක් සිටින බවත් එයට හේතුව එතුමා හාමුදුරුවන්ට ගෞරවය කිරීම බව උන්වහන්සේ පවසන ලදී.
