කෝට්ටේ හිටපු නගරාධිපතිවරයාට එරෙහි නඩුවක් විභාගයට ගැනීමට දින නියම කෙරේ..
ශ්රී ජයවර්ධනපුර කෝට්ටේ මහ නගර සභාවේ හිටපු නගරාධිපති ජනක රණවක මහතාට එරෙහිව පනවා ඇති නඩුවක් විභාගයට ගැනීම සඳහා අධිකරණය විසින් දින නියම කර ඇත. ඒ අනුව අදාළ නඩුව ලබන දෙසැම්බර් මස 04 වනදා විභාගයට ගැනීම සඳහා කොළඹ මහාධිකරණය විසින් මෙසේ දින නියම කර තිබේ. දණ්ඩ නීති සංග්රහය සහ පොදු දේපළ පනත යටතේ වරදක් සිදුකළ බවට චෝදනා කරමින් නීතිපතිවරයා විසින් මෙම නඩුව ගොනු කර ඇත. හිටපු නගරාධිපති ජනක රණවක මහතා විසින් 2012 වසරේ නොවැම්බර් 26 වන දින කෝට්ටේ, ඔබේසේකරපුර ප්රදේශයේ අරුණෝදය මාවත සහ ගැටේවත්ත ප්රදේශයේ යා කරන පාලමක් කඩා ඉවත්කිරීමේ සිදුවීම මෙම නඩුව පැවරීමට හේතුවී ඇත.