පාස්කු ප්‍රහාරය ගැන ප්‍රකාශයක් ගන්න පොලිස් කණ්ඩායමක් හිටපු ජනපති මෛත්‍රීගේ නිවසට..
පාස්කු ඉරිදා ප්‍රහාරය සම්බන්ධයෙන් විමර්ශනය කරනු ලබන ජනාධිපති විමර්ශන කොමිෂන් සභාවේ පොලිස් ඒකකය ප්‍රකාශයක් ලබාගැනීම සඳහා හිටපු ජනාධිපති මෛත්‍රීපාල සිරිසේන මහතාගේ කොළඹ පිහිටි නිවස වෙත ගොස් ඇති බව වාර්තා වේ. පාස්කු ඉරිදා ප්‍රහාරය සම්බන්ධයෙන් ප්‍රකාශයක් ලබාගැනීම සඳහා එම පොලිස් ඒකකය මෙසේ හිටපු ජනාධිපතිවරයාගේ නිවස වෙත ගොස් ඇත. අද (26) දින අදාළ කොමිෂන් සභාවේ පෙනීසිටින්නැයි හිටපු ජනාධිපති මෛත්‍රීපාල සිරිසේන මහතාට දැනුම් දී තිබූ අතර සිය නිවසය පැමිණ අදාළ ප්‍රකාශය ලබාගන්නැයි එතුමා විසින් කොමිසමට දැනුම් දෙන ලදී.
