සුළු වැරදි නිසා බන්ධනාගාර ගතව සිටින රැඳවියන් 444 දෙනෙකුට ජනපති පොදු සමාව යටතේ නිදහස..
මේ වනවිට බන්ධනාගාර ආශ්‍රිතව උද්ගතය ඇති අධික තදබදය පාලනය කිරීමේ අරමුණින් සුළු වැරදි සම්බන්ධයෙන් බන්ධනාගාර ගතව සිටින රැඳවියන් 444 දෙනෙකුට ජනපති පොදු සමාව යටතේ නිදහස ලබා දීමට තීරණය කර ඇතැයි බන්ධනාගාර ආරංචි මාර්ග අනාවරණය කර සිටියි. වැලිකඩ බන්ධනාගාරයේ 83 ක්, පල්ලේකැලේ බන්ධනාගාරයේ 54 ක්, කුරුවිට බන්ධනාගාරයේ 35 ක්, මහර බන්ධනාගාරයේ 30 ක් සහ අනුරාධපුර බන්ධනාගාරයේ 28 ක් ඇතුළු දිවයින පුරා බන්ධනාගාර 29 ක රැඳවියන් හට මෙසේ නිදහස හිමිවී තිබේ.
