වැසි තත්ත්වයේ වැඩිවීමක්..
අද (01) දිනයේදී දිවයින පුරා වැසි තත්ත්වයේ යම් වැඩිවීමක් බලාපොරොත්තු විය හැකි බව කාලගුණ විද්‍යා දෙපාර්තමේන්තුව අනාවරණය කර සිටියි. ඒ අනුව ප්‍රදේශ රැසක වැසි හෝ ගිගුරුම් සහිත වැසි ඇති විය හැකි බව ද එම ආරංචි මාර්ග තවදුරටත් පවසයි. ඌව, නැගෙනහිර, උතුරු මැද, මධ්‍යම, සබරගමුව, බස්නාහිර, වයඹ සහ දකුණු පළාත්වල ස්ථාන රැසක තරමක තද වැසි ඇති විය හැකි බව ද කාලගුණ විද්‍යා දෙපාර්තමේන්තු ආරංචි මාර්ග වැඩිදුරටත් පවසයි.
