හිටපු අමාත්ය රාජිත ඇතුළු තිදෙනෙකුට කොළඹ මහාධිකරණයෙන් සිතාසි..
අල්ලස් හෝ දූෂණ විමර්ශන කොමිෂන් සභාව විසින් ගොනුකරන ලද පැමිණිල්ලක් සම්බන්ධයෙන් ලබන 29 වනදා අධිකරණය හමුවේ පෙනීසිටින ලෙස නියෝග කරමින් හිටපු අමාත්ය රාජිත සේනාරත්න මහතා ඇතුළු තිදෙනෙකුට කොළඹ මහාධිකරණය විසින් අද (07) සිතාසි නිකුත් කර ඇත. රාජිත සේනාරත්න මහතා ධීවර අමාත්යවරයා ලෙස කටයුතු කරන ලද 2014 වසරේ දී මෝදර ධීවර වරාය පුද්ගලික සමාගමට අඩු මුදලක් යටතේ බදු දීම තුළින් දූෂණය නැමැති වරද සිදුකළ ඇතැයි චෝදනා කරමින් අල්ලස් හෝ දූෂණ විමර්ශන කොමිෂන් සභාව විසින් අදාළ පැමිණිල්ල ගොනුකර ඇත. හිටපු අමාත්ය රාජිත සේනාරත්න, ලංකා ධීවර වරාය සංස්ථාවේ හිටපු සභාපති උපාලි ලියනගේ සහ එහි සංස්ථාවේ හිටපු කළමනාකරණ අධ්යක්ෂ නීල් රවීන්ද්ර මුණසිංහ යන මහත්වරුන් වෙත මෙසේ සිතාසි නිකුත් කර තිබේ.