කාලගුණය අයහපත් වේ යැයි සැකය නිසා නැගෙනහිර පාසල් දින 03 ක් වසාදැමීමට තීරණය කරයි..
ඉදිරියේදී උද්ගත වියහැකි අයහපත් කාලගුණ තත්ත්වය හමුවේ නැගෙනහිර පළාතේ සියලු පාසල් හෙට (02) සිට ලබන සිකුරාදා (04) තෙක් වසාදැමීමට බලධාරීන් විසින් තීරණය කර ඇති බව වාර්තා වේ. ගිණිකොණ දිග බෙංගාල බොක්ක මුහුදු ප්‍රදේශය ආශ්‍රිතව පවතින අඩුපීඩන තත්ත්වය සුළි කුණාටුවක් දක්වා වර්ධනය වී නැගෙනහිර වෙරළ කලාපයට ඇතුළු වන බව කාලගුණ විද්‍යා දෙපාර්තමේන්තුව විසින් දැනුම්දී ඇති අතර ඉන් එම පළාතේ පිරිස්වෙත යම් බලපෑමක් සිදුවිය හැකි බැවින් මෙසේ පාසල් වසාදැමීමට නැගෙනහිර පළාත් ආණ්ඩුකාරවරිය විසින් තීරණය කර ඇත.
