අද පැය 24 ක් කොළඹ ප්‍රදේශ කිහිපයකට ජලය නෑ..
අද (10) පෙරවරු 07.00 සිට පැය 24 ක කාලයක් කොළඹ ආශ්‍රිත ප්‍රදේශ කිහිපයකට ජල සැපයුම අත්හිටුවීමට කටයුතු කර ඇතැයි ජාතික ජල සම්පාදන හා ජලාපවහන මණ්ඩලය අනාවරණය කර සිටියි. ඒ අනුව අද උදෑසන 07.00 සිට හෙට (11) උදෑසන 07.00 දක්වා වන පැය 24 ක කාලය තුළ කොළඹ 12, 13, 14 සහ 15 යන ප්‍රදේශවලට ජල සැපයුම අත්හිටුවනු ලබන අතර කොළඹ 01 සහ 11 ප්‍රදේශවලට අඩුපීඩනයකින් ජලය බෙදාහැරෙන බවද එම ආරංචි මාර්ග තවදුරටත් පවසා සිටියි.
